Српскиот премиер Милош Вучевиќ денеска поднесе оставка, со што престанува мандатот на целата влада, а актуелната ќе извршува само технички должности.
Вечерва српската Влада ќе има седница на која ќе присуствува и претседателот на Србија, Александар Вучиќ, а на истата треба да биде донесена одлука за тоа дали ќе има избори или ќе се оди на избор на нова влада.
Вчера Вучиќ најави итна реконструкција на актуелната влада и смена на повеќе од половина министри.
Оставката на Вучевиќ следи по трагичната несреќа на желзничката станица во Нови Сад, во која загинаа 15 лица, што предизвика повеќенеделни масовни протести низ целата земја.
Денеска оставка поднесе и градоначалникот на Нови Сад, Милан Ѓуриќ, откако синоќа во градот беа нападнати и тепани студенти од група мажи со безбол палки кога тие лепеле налепници и цртале шаблони низ Нови Сад. Еден од нив е потешко повреден.
ПОВРЗАНИ ВЕСТИ
(Видео) Снимките од масовниот генерален штрајк го обиколија Балканот, Вучиќ си одржа контрамитинг