Само што почна, судењето за Љупчо Палевски Палчо и останатите четворица обвинети за убиството и грабнувањето на 14-годишната Вања Ѓорчевска од Скопје и 74-годишниот Панче Жежовски од Велес, се одложи за 20. септември откако Судечкиот совет при Основен кривичен суд Скопје денеска донесе одлука за спојување на постапките на обвинетите.
Основното јавно обвинителство Скопје најпрво поднесе обвинение против четири лица, а потоа и за првоосомничениот Палевски за кого се чекаше екстрадиција од Турција.
Палевски е обвинет дека бил организатор на грабнувањата и извршител на убиствата на малолетната Ѓорчевска и на Жежовски.
Боре Видевски, Велибор Манев и Влатко Кешишов се обвинети дека биле соизвршители во грабнувањата и убиствата.
Таткото на Вања, Александар Ѓорчевски е обвинет дека помогнал во грабнувањето на неговата ќерка.
ПОВРЗАНИ ВЕСТИ