Во Осака, Јапонија, вчера беше обележан Националниот ден на Македонија на „ЕКСПО 2025“.
Свој настап имаше националниот ансамбл „Танец“, симболот на македонската култура и традиција, Македонија, а на македонскиот павилјон имаше и изложба посветена на јапонскиот архитект Кензо Танге, визионерот што го проектираше Скопје по разорниот земјотрес во 1963 година.
Меѓу присутните беше и негов син, Пол Танге.
Како што информираа од Министерството за култура гостите имаа можност и да дегустираат македонски специјалитети и вина, но и да се информираат за културните и туристичките потенцијали, како и за инвестициските можности што ги нуди нашата земја.
Во рамките на културната програма, предвидено е на Денот на независноста на Македонија, 8. Септември, да се одржи серија значајни културни претставувања, вклучително и настапи на Ана и Игор Дурловски, Кирил Џајковски и Владимир Четкар.
Фото: Министерство за култура