Денеска православните христијани го прославуваат големиот празник Богојавление – Водици, денот кога го славиме Крштевањето на Господ Исус Христос во реката Јордан.
Се осветуваат земјата и водите, а во езерата и реките се фрлаа крстови.
Најзначајните манифестации се одржаа на водите на Охридско езеро, реките Вардар, Радика, Црн Дрим.
Во Охрид, чесниот крст во осветените води на Охридското Езеро го положи поглаварот на МПЦ, Архиепископот г.г. Стефан. Крстот, по втор пат го фати Мартин Гоџо.
Теодор Јовевски го фати светиот крст што денеска беше положен во водите на реката Вардар во Скопје од владиката Јосиф.
Триесет и деветгодишниот Томче Голабоски од Струга беше најсреќен меѓу стотиците верници кои денеска скокаа по светиот крст во студените води на реката Црн Дрим.
Климент Танески од Ростуше го извади осветениот крст од водите на Радика, што беше положен од епископ Антаниски, г. Партениј.
View this post on Instagram
„Нашето општество мора да се темели на меѓусебната почит и стремежот кон соживот. Нека оваа празнична свеченост нè потсети на нашата обврска да го чуваме и унапредуваме заедничкото живеење, прифаќајќи ја различноста како вредност која нè збогатува сите нас,“ порачаа од Владата за празникот.
Фото: Општина Струга/Општина Охрид/Бигорски манастир