Мобилниот гигант Хонор кој е сестринска фирма на Хуавеи во една од последните кампањи ја ангажираше нашата убавица Ивана Караџова да биде мистериозната дама која го промовира овој мобилен телефон.
„Како интернационален модел Караџова работи веќе подолго време па престојуваше неколку пати во Милано, Барселона, Истанбул и Азија. За оваа кампања Ивана мораше да замине во Шангај каде се случи фото сесијата во едно од нивните студија со специјални ефекти.
Нејзината модна кариера започна кога победи на изборот на Лице на годината ( Look of the Year ) во 2016 година. Како еден од последните ангажмани на нашата Ивана беше и глобалната кампањата за M.A.C Cosmetics,“ велат од нејзината матична агенција Моделс Ин Менаџмент од Скопје.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.