Во петокот вечерта во присуство на одбрани гости и најблиските пријатели нашиот супер модел Ана Калачоска овој пат во вистинска венчаница го изговори судбоносното Да.
„Нејзината кариера како модел започна уште во далечната 2004 година кога потпиша договор со светска агенција “NAMES “во Милано. Калачоска беше навистина една од нашите први модели која покрај успесите во Европа реши да се обиде и во далечната Азија,“ се потсетува нејзиниот пријател и менаџер Алек Наумовски.
Покрај големиот успех кој го постигна во Кина и Јапонија , беше и првата македонка која во тоа време имаше и насловна страна за компанијата FUJI FILM.
„Нејзината фантастична кариера траеше повеќе од две децении во која имаше соработка и со македонските значајни брендови како Лудус, Елена Лука и Кокев. Иако имаше кампањи и фотографирања каде што носеше раскошни венчаници овој пат приватно беше една од најгламурозните невести. И посакуваме најголема среќа и сме бескрајно благодарни што беше една од нашите први интернационални модели,“ велат од нејзината матична агенција Моделс ИН Менаџмент.
