(Фото) Споменик за загинатите од несреќата кај Темпи во Солун, утре нови протести

Железничката несреќа кај Темпи во Грција во која загинаа 57 лица, останува топ тема во Грција.

За утре кога во грчкиот Парламент ќе се расправа за формирање предистражна комисија за евентуална кривична одговорност на актуелниот заменик-министер за цивилна заштита и климатски промени, Христос Триандопулос, кој кога се случи несреќата беше министер брз ресор, низ земјата ќе има нови протести, јавува дописникот на еМагазин од Солун.

Утре се очекува грчката опозициска партија ПАСОК да достави и барање за гласање недоверба на Владата, коe ќе биде неуспешнo, бидејќи владејачката Нова демократија има 156 пратеници, од вкупно 300, а за да биде успешна интерпелацијата се потребни гласови на 151 пратеник.

Протестите во петокот на двегодишнината од несреќата беа едни од најмасовните во историјата на Грција.

Во Солун, каде требаше да стигне патничкиот воз кој удри во товарниот и во Атина, од каде што тргна, деновиве беа откриени споменици за загинатите, претежни млади, а голем дел жители на Солун.

Спомениците се дрвја, а во Солун од истото се паднати 57 лист, на кои се напишани нивните имиња и нивната возраст.

ПОВРЗАНИ ВЕСТИ

(Видео) ЕКСКЛУЗИВНО Цел Солун на улица: еМагазин на историски најмасовниот протест, во чест на жртвите од железничката несреќа кај Темпи

(Видео) Масовни протести во Атина, Солун, Патра… на двегодишната од железничката несреќа кај Темпи

(Видео) Улична „војна“ на протестот во Атина на двегодишнината од несреќа кај Темпи, настрада и зградата на Грчки железници

Фото: еМагазин