Српскиот рок-музичар и член на жирито на српското музичко шоу “Ѕвездите на Гранд“, Ѓорѓе Николиќ, познат како Ѓорге Давид, кој прегази 49-годишна жена од Куманово, која почина, ја напушти Македонија, откако добил одобрение од судските институции.
„Ѓорѓе замина за Србија. Ги помина сите процедурални барања од нашите надлежни институции и во текот на вчерашниот ден доби дозвола да ја напушти Македонија.
Тој, како и досега, е достапен на нашите органи и ќе се јавува во судот во Куманово еднаш месечно.
За се што има да каже во однос на ситуацијата, да го почекаме утрешниот ден и нашите медиуми ќе ги добијат сите релевантни и официјални информации од Ѓорѓе“, вели Вера Мештеровиќ, менаџер на Ѓорѓе Давид за Македонија.
По напуштање на земјава, Давид за утре закажал конференција за печат за српските медиуми.
ПОВРЗАНИ ВЕСТИ
За сообраќајката кај Табановце се огласи српскиот музичар Ѓорге Давид: Удрив во пешак
(Видео) 49-годишна жена загинала во сообраќајката на автопатот Куманово-Табановце
Фото: Инстаграм/Давид