Ќе се реновира аеродромот „Св. Апостол Павле“ во Охрид.
До март следната година аеродромот треба да добие нова административна зграда со површина од 250 метри квадратни, нов канцелариски простор со површина од 120 метри квадратни, помошни простории од 130 метри квадратни, нов наменски простор за обезбедување на аеродромската зграда, целосна реконструкција и адаптација на постојната терминална зграда на површина од 2 000 метри квадратни на двете нивоа и целосно нов сообраќаен режим на постојниот паркинг.
Предвидената инвестиција е во висина од 2,7 милиони евра, а средствата се обезбедени во договор со компанијата ТАВ Македонија и се дел од договорот за концесија.
Ова е прво реконструирање на Охридскиот аеродром откако е изграден.
Фото: ТАВ Македонија