За влез во Србија преку граничниот премин Табановце се чека подолго време поради прогласеното црвено ниво на безбедносен ризик од тероризам од страна на земјата и поголемите проверки од српска страна, информираа од македонското Министерство за внатрешни работи (МВР).
ПОВРЗАНИ ВЕСТИ
Црвеното ниво на безбедносен ризик, по нападот на полицаец пред израелската Амбасада во Белград, според најавите ќе трае до утре.
„Министерството за внатрешни работи ги известува граѓаните дека зголемениот временски период на чекање на ГП Табановце, за влез и излез од територијата на Република Северна Македонија е поради прогласеното црвено ниво на безбедносен ризик од тероризам во Република Србија.
Воедно, Ве известуваме дека граничните полиции на двете држави се во постојана комуникација со цел овозможување брз и непречен проток на патници и возила, но и соодветна контрола поради новонастаната состојба“, велат од МВР.
ПОВРЗАНИ ВЕСТИ
Нападнат полицаец пред израелската амбасада во Белград, чинот оценет како терористички
Фото: Влада