Над половина од граѓаните во Македонија, или 55% не можат да си дозволат годишен одмор надвор од местото на живеење, покажува анализата на статистичкиот портал „Ландгеист“, базирана на податоци на Евростат.
Во Албанија тој процент изнесува 58,3%, во Турција 60,8%, Романија (62,5%), Црна Гора (67,2%) и Косово (69,5%).
Во Грција процентот на луѓе кои не можат да си дозволат годишен одмор е 48,8, во Бугарија 43,8, во Србија 43,6, Хрватска 41,7, а во Словенија 16,7.
Одмор подолг од една недела во текот на годината најмногу можат да си дозволат жителите на Луксембург каде што таква можност немаат само 7,6 отсто, во Норвешка (7,9%), Швајцарија (8,4%) и во Исланд (8,6%).
На одмор не можат да одат и 21,9% од Германците, 23,4% од Британците, 25,4% од Францусите и 36,6% од Шпанците.