Групата Билтен на атомските научници (БАС), која раководи со т.н. „Часовник на судниот ден“, го помести истиот на 89 секунди до полноќ, најблиску што бил досега.
Часовникот симболично покажува колку е блиску светот до уништување, а според БАС главните причини за поместувањето се нуклеарните закани, потенцијалните злоупотреби на напредокот на биологијата и вештачката интелигенција, како и климатските промени.
„Бидејќи светот е веќе опасно блиску до пропаст, поместувањето макар и од една секунда треба да се сфати како показател за екстремна опасност и непогрешливо предупредување дека секоја секунда одложување во враќањето на курсот ја зголемува веројатноста за глобална катастрофа“, информираа од БАС
Часовникот го предупредува човештвото од 1947 година на опасносните од нуклеарна војна. Стрелките се поместуваат врз основа на анализите на егзистенцијалните закани, а полноќ ја означува теоретската точка на уништувањето.
Фото: Руско МО