Косовската полиција откри софистицирана лабораторија за фалсификување на документи, за 51 земја од светот.
„Косовската полиција на 24 јануари запре возило во Приштина, во кое што пронајде празни документи од различни земји од светот. Возачот со иницијали Ф.К. е уапсен и осуден на 30 дена притвор.
По интензивните истраги откриена е куќа во Приштина која служела како софистицирана лабораторија за производство на фалсификувани документи, како пасоши, лични карти.
Во рацијата беа запленети релевантни докази, ласерски машини, печатачи, над 20.000 микрочипови и илјадници документи од 51 различни земји ширум светот,“ се вели во соопштението на косовската полиција.
Фото: Полиција на Косово
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.