„Проект Среќа“ ќе помогне да ѝ се направи купатилото на баба Марица, за која упативме апел поради нејзината состојба

„Проект Среќа“ се нафатија да обезбедат се што е потребно за да ѝ се направи купатило во домот на баба Марица, откако „еМагазин“ го пренесе статусот на Моника Чекаловиќ која информираше за состојбата на оваа жена-лавица.

„Денес прочитавме за случајот на бабата херој, Марица, и „Проект Среќа“ заедно со нашите донатори ќе обезбедат се’ потребно за купатилото да им се уреди комплетно на ова семејство,“ информираа од „Проект Среќа“ на нивната фејсбук-страница.

„еМагазин“ денеска упати апел на социјалните мрежи на оваа измачена жена да и помогнеме и да и се направи купатилото за да има каде да ги капе нејзините внуци.

Таа се грижи за нив наместо нивната мајка која ги напуштила како мали. А едното детенце е со попреченост и секој ден со четири автобуси го носи во школо и поминува по 14 километри.

Целата приказна може да ја прочитате ОВДЕ.