еМагазин
Image default
ЖИВОТ

Жртвите на сексуално насилство се со долгорочни последици по физичкото и менталното здравје 

Психологот Маријана Марковиќ за МИА вели дека сексуалното насилство врз жената има долгорочни последици по нејзиното физичко и ментално здравје, како и во однос на нејзината социјална позиција.

Како резлутат на сексуално насилство можни се физички повреди, можна е појава на несакана бременост, небезбеден абортус, поголем ризик од сексуално преносливи заболувања, вклучително и ХИВ.

Марковиќ појаснува дека по сексуалниот напад, преживеаните може да почувствуваат како нивните тела да не се навистина нивни. Преживеаните често пријавуваат чувство на срам и вина. Многумина се обвинуваат себеси за нападот.

Како резултат на нарушување на менталното здравје се појавуваат следните растројства: депресија, анксиозност, посттрауматски стрес, нарушување на личноста, ризично однесување, зависности, идеи, обиди за самоубиство, социјална изолација.

Сексуалното насилство врз жените често е резултат на нееднаквата моќ меѓу мажите и жените и почесто се случува во култури кои поттикнуваат верувања за машката супериорност и социјалната и културната инфериорност на жените, потенцира Марковиќ.

Во рамките на културите, улогите и претставите на половите и ставовите кон сексуалното насилство се разликуваат.

Но, и покрај разликите во еманципацијата на жената и воспоставената еднаквост, сексуалното насилство на жените е присутно во сите култури.

Според податоците на Светската здравствена организација (СЗО), на глобално ниво, една од три жени доживуваат физичко и/или сексуално насилство во текот на својот живот, претежно од интимен партнер.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Отец Пимен: Не е проблемот во мерките, туку во нивното кршење

Редакција

Најчитани на еМагазин за 2021: Најверојатно сите ќе треба да примиме една, две, три или четири вакцини, вели Кунгуловски

Редакција

(Галерија) Кој дојде на одбележување на роденденот на кралицата Елизабета во Британската амбасада

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница