Министерката за труд и социјална политика Јагода Шахпаска, силно верува во општество кое дава еднакви можности за секој граѓанин, и оттука даде поддршка на денешната Парада на гордоста.
„Борбата за еднакви права на лицата од ЛГБТИ заедницата, уривање на стереотипите во општеството и нивна видливост и учество во општеството ја водевме заедно и во Собранието на Република Северна Македонија, како член на Интерпартиската парламентарна група за унапредување на правата на ЛГБТИ лицата и денес како министерка за труд и социјална политика.
Од моето доаѓање донесовме два клучни закони кои обезбедуваат заштита и унапредување на правата на ЛГБТИ заедницата.
Законот за спречување и заштита од дискриминација за прв пат во дискриминаторските основи ги вклучува и сексуалната ориентација и родовиот идентитет.
Законот за спречување и заштита од насилство врз жените и семејно насилство, ја вклучува заштитата на ЛГБТИ лицата согласно член 5 без разлика на раса, боја на кожа, потекло, пол, род, сексуална ориентација.
Секој човек има право да се определи како се чувствува и треба да биде почитуван затоа што е различен. Убавината на општествениот мозаик ја прават различностите.
Продолжуваме да работиме на надминување на препреките и креирање нов и подобар свет за сите,“ напиша таа на нејзиниот Фејсбук-профил.
ПОВРЗАНИ ВЕСТИ
(Фото) Шекеринска на Парада на гордоста: „Секој е слободен да биде она што е“
Фото: Фејсбук/Шахпаска