Не фалат обрасци за лични карти, системот е добар, само треба да се изгласа Законот за лични карти, напиша министерот за внатрешни работи, Оливер Спасовски на неговиот Фејсбук профил.
– Не обвинувам, само ги повикувам тие што се платени од граѓаните да ја вршат работата, да го изгласаат Законот за лични карти, бидејќи овој проблем покренува многу проблеми во секојдневното функционирање и мора да бараме излезно решение за да граѓаните ги остварат своите права, напиша Спасовски.
Апелира секој еден одговорно да пристапи, член на Парламент, Влада или локална самоуправа, да им служи на граѓаните за да може, како што напиша, да работиме.
ПОВРЗАНИ ВЕСТИ
Во банки и штедилници ќе може и со пасош и потврда од МВР дека е поднесено барање за лична карта
Фото: МВР