За претстојните локални избори, во Македонски Брод се поднесени две независни советнички листи кои ги предводат членови на актуелниот советнички состав во Општината.
-Во нашата Општина во предвидениот рок доставени се и две независни советнички листи. За овие листи претендентите за идниот совет на ЕЛС Македонски Брод, собрале по 100 потписи, со што го исполниле неопходниот цензус.
Листите ги предводат Бране Јованоски и Ивица Аврамоски, кои се дел и од актуелниот советнички состав во Општина Македонски Брод, а за листата на советници се изборија како независни кандидати, со што нашата Општина е една од ретките во земјава каде континуирано бројот на независни кандидати во солиден број е застапен во општинскиот совет, вели Горан Спироски од канцеларијата на Државната изборна комисија за Македонски Брод.
Спироски појасни дека до крајот на рокот за пријавување 30 август, не е исклучено да се поднесе уште една независна листа, а се уште не се навестува можноста во Општина Македонски Брод да фигурира и еден независен кандидат за иден градоначалник.
МИА/Фото: МИА