Градоначалникот на Кочани, Љупчо Папазов доцна попладнево добил позитивен резултат на PCR-тестот за Ковид-19, што го направил во кочанскиот Центар за јавно здравје.
Во текот на денот, на негово барање му бил направен амбулантски преглед, откако се посомневал за здравствената состојба по претходниот позитивен резултат од брзиот антигенски тест. Подоцна му е извршено снимање на томографот во штипскиот ковид центар, но не е задржан на болничко лекување.
Во кусата телефонска изјава за МИА, Папазов потврди дека се чувстува добро, без видливи симптоми на Ковид-19, иако и двата теста го потврдиле присуството на коронавирусот.
Папазов вчера ја презеде градоначалничката функција, но од денесека е на боледување и работните обврски ќе ги координира од домашна изолација.
ПОВРЗАНИ ВЕСТИ
Каков имот пријавил Љупчо Папазов, новиот градоначалник на Кочани
МИА/Фото: Фејсбук/Папазов