Посетата на Северна Македонија не беше избрзана, туку „ужасно многу задоцнета“, реагираше бугарскиот премиер Кирил Петков на изјавата на претседателот на Бугарија, Румен Радев дека неговата посета на Скопје била избрзана.
– Вистината е дека Бугарија изгуби 30 години во тие односи. Мојата посета не само што не е избрзана, туку и ужасно задоцнета. Не јас како премиер, таа беше задоцнета, бидејќи бугарската страна треба да има активна позиција, да има конструктивен тон на дејствие, да има јасни цели и точен пристап, рече Петков.
Тој изрази жалење дека Бугарија изгубила толку многу години.
– Јас не можев да издржам да ја одложувам посетата за ниту еден ден, додаде Петков.
Претходно, Радев рече и дека секоја избрзана акција на бугарската влада, секој позитивен прелиминарен сигнал може погрешно да се протолкува како некакви отстапки од бугарска страна.
ПОВРЗАНИ ВЕСТИ
Од ОМО Илинден му вратија на Радев: Бугарскиот претседател повторно лаже за Македонците во Бугарија
“ОМО Илинден биле сепаратисти“: Радев лут на Пендаровски оти се сретнал со Македонците од Бугарија
МИА/Фото: Влада