Грчко МНР: Двајца грчки иселеници загинаа, а шест се повредени, меѓу кои и едно дете при бомбардирањето од руски авион на цивили во Сартана во Украинa

Двајца грчки иселеници загинаа, а шест се повредени, меѓу кои и едно дете при бомбардирањето од руски авион на цивили во селото Сартана во Украина, соопштија од грчкото МНР, изразувајќи ја нивната осуда, јави дописничката на МИА од Атинa.

„По наредба на министерот за надворешни работи, Никос Дендиас, генералниот секретар Темистоклис Демирис телефонски упати силна протесна нота до рускиот амбасадор во Атина и го повика утре во Министерството за надворешни работи“, соопштија од грчкото МНР.

Потсетуваат дека Дендиас, на средбата со шефот на руската дипломатија Сергеј Лавров пред две седмици го истакнал прашањето за потребата за заштита на грчката дијаспора во Украина.

ПОВРЗАНИ ВЕСТИ

(Видео) Повеќе од 100.000 руски окупатори се наоѓаат на наша територија, подмолно пукаат врз станбени згради, вели Зеленски

МИА/Фото: Унсплеш