Тетовската фирма “Арбериа Десигн“, фирмата која треба да ги набави свидетелствата за учениците ја организира и прославата за 21-годишнината од Рамковниот договор, објави Радио Слободна Европа.
„Арбериа Десигн“ која ја организираше и минатогодишната прослава, стои зад организацијата и на прославата на Денот на албанското знаме, а позната е и по печатењето на учебници на албански јазик.
Според податоците на Бирото за јавни набавки, само во изминатите 4 години, оваа компанија добила 61 тендер од државата од околу 4 милиони евра.
Како што објави РСЕ, според податоците на Државниот завод за ревизија, фирмата се јавува и како донатор на Демократската унија за интеграција (ДУИ) за изборите во 2015. Тогаш тетовската фирма одвоила 20 илјади евра и е најголемиот донатор на ДУИ за тие избори.
Минатата година годишнината од Рамковниот се славеше со 500 илјади евра, сега, пак, се планира да се потрошат речиси 100 илјади евра, покажуваат податоците на Бирото за јавни набавки.
Организатор на одбележувањето на годишнината од Договорот со кој се стави крај на конфликтот во 2001 година е Министерството за политички систем, на чие чело е првиот вицепремиер Артан Груби, кој е кадар на ДУИ.
Фото: Промо
Важно известување
Посети ја новата страница