Играорецот вели дека Охрид е албански град, затоа ставил албанско знаме на Самоиловата тврдина

Наводниот играорец Ѓерг Прекоцај (50), од Ѓаковица, Косово, во разговорот за албанската новинска агенција ИНА (Ilirya News Agency), вели дека нема ништо спорно во тоа што тој и неговите пријатели од групата „Арбреши” го поставиле албанското знаме на Самоиловата тврдина во Охрид.

Според него Охрид е албански град.

Тој вели дека дошле во Охрид и Струга да ја прослават 552 годишнината од битка на Скендербег во одбрана на албанските територии, и вели ова е „наша земја и Охрид е албански град“.

„Господ ни ги дал овие територии, тие ќе бидат наши и никогаш нема да ги оставиме.

Во времето на Скендербег на Самоиловата тврдина се веело албанското знаме. Ова е наша земја и нема да застанеме… Ова е арберска земја, земја на Ѓерѓ Кастиоти…“, вели тој за ИНА.

ПОВРЗАНИ ВЕСТИ

За Џафери казната за играорецот кој постави албанско знаме, требало да биде поблага

Играорецот кој го постави албанското знаме на Самoилова тврдина доби парична казна и забрана за влез во државата

Алијанса за Албанците за албанското знаме на Самоилова тврдина: Не се променил дискриминаторскиот менталитет

Фото: ИНА/Википедија