Агенцијата за аудио и аудиовизуелни медиуми (АВМУ) поведува постапка против 1ТВ поради наводно скриено сопствеништво, објави Макфакс.
На утрешната седница на дневен ред е ставено разгледување на предлог-одлука за поведување постапка за утврдување постоење повреда на член 34 кај 1ТВ ДООЕЛ Скопје.
Постапката се поведува, бидејќи Бојан Јовановски, на јавните настапи се претставува како сопственик на телевизијата иако формално-правно не е, пишува Макфакс.
Доколку се утврди дека еден медиум има таен содружник, АВМУ може да ја одземе лиценцата за работа на медиумот.
Сопственик на 1ТВ, според податоците од Централниот регистар, е фирмата БМЈ Медиа груп, а директор е Јасна Мандиќ, пишува Макфакс.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.