Дел од пратениците за гласање на недоверба на Владата се злоупотребени и не се информирани со кои други партии имаат „заедничка цел“, велат од СДСМ

Координаторот на пратеничката група на СДСМ, Јован Митрески вели дека е во постојана комуникација со сите пратеници од пратеничката група, но и со пратеници кои делуваат надвор од неа.

„Сите, буквално сите даваат безрезервна поддршка и најостро ги демантираат конструкциите кои ВМРО-ДПМНЕ ги прави со единствена цел да изврши притисок и да создава нереална еуфорија во јавноста.

Од друга страна, добивам информации дека дел од потпишаните пратеници за гласање на наводна доверба на Владата се злоупотребени и не се точно информирани со кого, односно со кои други партии од Парламентот имаат т.н. заедничка цел“, напиша Митрески на неговиот Фејсбук-профил.

ПОВРЗАНИ ВЕСТИ

Таравари за мнозинството на опозицијата: „Преговараме со уште неколку пратеници, очекуваме бројката да се зголеми на 65“

Тачи за новото парламентарно мнозинство на ВМРО-ДПМНЕ: „Ова е уште еден голем театар, албанските лидери ќе ги чини скапо“

Касами е стабилна личност и не очекувам големи пресврти во БЕСА за комплетно да се приклучи кон опозициското мнозинство, вели Трајанов

Петковски за „Фокус“: Лесно може да ја урнат владата, но тешко ќе направат нова поради личните и концепциски разлики

Фото: Фејсбук/Митревски