Помислата дека авторитaрен владетел кој оставил зад себе такво наследство, а сега осуденик, од земја кандидат за членство во ЕУ ќе бара спас од раката на правдата во земја членка на ЕУ, не може воопшто да се проголта, вели во пишана изјава министерот за надворешни работи, Никола Димитров во врска со бегството на поранешниот премиер Никола Груевски во Унгарија.
„Никола Груевски е тој кој што успеа да ја претвори Република Македонија во заробена држава за време на неговото владеење, како што беше посочено и во извештајот на Европската комисија од 2016 година.
Сите ние овде, но исто така и во Европа, ги слушнавме телефонските разговори кои беа објавени во 2015 година, а кои индицираат огромни злоупотреби на функциите, изборни измами и корупција.
Да не го заборавиме и податокот дека, како поранешен премиер, тој исто така користеше и полициско обезбедување составено од полициски службеници кои самиот ги одбрал, коешто ги прави наводите за постоење закани кон неговата лична безбедност целосно лажни“, вели Димитров.
We all heard the 2015 wiretaps indicating massive abuse, electoral fraud, and corruption. The idea that a strongman with such legacy, now a convicted felon facing many other trials, will seek refuge from the rule of law in a candidate country to an EU MS is impossible to digest. pic.twitter.com/lL14j0PPBB
— Nikola Dimitrov (@Dimitrov_Nikola) November 14, 2018
Фото: Влада на РМ
ПОВРЗАНИ ВЕСТИ
Ќе паднат ли оставки за бегството на Груевски?
Орбан: Го примивме Груевски, но не се мешаме во внатрешните работи на Македонија
Фарса не векот: Ќе ни остане ли за спомен од Груевски потерницата на МВР?
Судбината на Груевски во рацете на „лошото момче“ Виктор Орбан