Доктор Пановски советува: Хронично болните и невакцинираните да не одат на свадби и веселби на затворено, голем е ризикот да заболат

Само вакцинирани граѓани и оние кои го прележале ковид вирусот можат да одат на свадби и семејни веселби, oстанатите да ги почитуваат ковид мерките, препорачува микробиологот Никола Пановски.

„Нашите иселеници од земјите во кои нагло се шири делта вирусот, слободно влегуваат во државата. Има свадби и слави и на отворено и на затворено, а токму тоа му треба на вирусот.

Препорачувам што повеќе луѓе да се вакцинираат и да ги почитуват мерките во затворено. Ако се невакцинирани и одат на свадба и таму има луѓе од земјите каде се шири делта сојот тоа значи дека се под висок ризик дека ќе се заболат,“ изјави Пановски за lokalno.mk.

Според Пановски повозрасните и сите оние кои имаат хронични болести, да им се извинат на славениците и да си останат дома, во спротивно тие ризикуваат да заболат од вирусот.

Во последните неколку дена, има зголемен број на ковид-случаи во Тетово, а причината е свадба и семејна веселба.

ПОВРЗАНИ ВЕСТИ

Бројката на заболени од Ковид-19 се зголемува: 21 нови случаи од 3.227 тестирања

Свадба и семејна прослава причината за зголемениот број на заболени од Ковид-19 во Тетово, граѓаните ги криеле контактите