Вакцинацијата се одвива непречено на сите пунктови низ државата. Вкупно се аплицирани 175.348 дози вакцини, а ревакцинирани се 25.648 граѓани, информираше на неговиот Фејсбук-профил, министерот за здравство Венко Филипче.
„Вчера вкупно се вакцинирале 14.548 граѓани. Прва доза вакцина вчера примиле 13.751 граѓани,“ напиша Филипче.
Тој посочува дека желба за вакцинација преку веб-платформата vakcinacija.mk изразиле 330.513 граѓани.
„Пријави се на vakcinacija.mk бидејќи тоа е најлесниот и најбрз пат до термин за вакцинација,“ апелира Филипче.
Фото: МЗ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.