(Фото) Љупчо Николовски и сопругата Андријана посакаа година исполнета со здравје, морални вредности, одговорност и солидарност

Вицепремиерот за борба против корупција Љупчо Николовски и сопругата Андријана упатија честитка до граѓаните за Новата година.

„На неколку часа до Новата 2021-ва година, зад нас оставаме една тешка година, година која не исправи пред голем предизвик – да се справиме со пандемијата предизвикана од коронавирусот, а најважно да го заштитиме здравјето на секој граѓанин.

Година којашто не потсети на најважните вредности во животот, дека нема ништо поважно од заштитата на сопственото здравје и здравјето на најблиските, на моралните вредности, на општествената одговорност и солидарност.

Оваа година ја оставаме зад нас, да гледаме напред кон идната 2021-ва.

Во Новата година ви посакувам пред се добро здравје, љубов и многу моменти исполнети со среќа.Нека ни е среќна Новата година,“ напиша тој на неговиот фејсбук-профил.

Фото: Фејсбук/Николовски