На 27.01.2020 во 19.45 часот на подрачјето на населбата Пештани, полициски службеници запреле патничко возило „рено“, со охридски регистарски ознаки, информира МВР.
Притоа, од возилото излегле две лица и започнале да бегаат, по што фрлиле една вреќа со риболовни мрежи и риба – охридска пастрмка.
По преземени мерки, констатирано е дека возилото било управувано од И.Л.(56) од Пештани. Риболовните мрежи и уловената пастрмка биле предадени во Хидробиолошкиот завод. СВР Охрид работи на целосно расчистување на настанот, по што ќе поднесе соодветна пријава.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.