ОВР Кичево поднесе кривична пријава против М.О.(44) од Кичево, поради постоење основи на сомнение за сторено кривично дело „повреда на угледот на РСМ“.
„Тој, на 25.03.2021, како директор на Национална установа – Центар за култура „Кочо Рацин“ – Кичево, државна институција под Министерството за култура, дозволил во просториите на библиотеката „Кочо Рацин“ да се постави табла, каде се истакнати име и грб на странска држава со натпис на албански јазик, без да бидат истакнати името, грбот или знамето на Република Северна Македонија, обележја на општина Кичево или на Министерство за култура“, соопшти МВР.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.