Раст на депозитите и кредитите на корпоративниот сектор

Во декември, вкупните депозити на корпоративниот сектор забележаа месечен раст од 0,8%, покажуваат најновите податоци на Народната банка.

Растот е резултат на зголемувањето на депозитните пари, на краткорочните денарски депозити, како и на долгорочните депозити во странска валута, во услови на пад на краткорочните депозити во странска валута и на долгорочните депозити во денари.

Споредено на годишна основа, депозитите се зголемени за 9,5%, во услови на раст на денарските и на девизните депозити, соисклучок на долгорочните девизни депозити коишто остварија минимален годишен пад.

Од аспект на рочната структура, депозитните пари и краткорочните депозити имаат најголем придонес кон годишниот раст, односно објаснуваат 98,4% од промената.

Кај кредитите на корпоративниот сектор во декември е остварен месечен и годишен раст од 4,1% и 4,5%, соодветно. Притоа, кредитниот раст на месечна и на годишна основа целосно се објаснува со зголеменото кредитирање на корпоративниот сектор во денари.

ПОВРЗАНИ ВЕСТИ

Зголемување на штедните влогови и кредитите на граѓаните

Раст на потрошувачките и станбените, пад на автомобилските и картичните кредити