Осум правни субјекти од кои три маркети, една аптека и тројца најголеми увозници на овошје и зеленчук се затворени на 15 дена поради непочитување на владините мерки за маржите. Освен клуч на врата, тие ќе бидат и парично казнети.
Како што соопшти денеска директорот на Државниот пазарен инспекторат Влатко Стојкоски, кај овие правни субјекти контролите утврдиле маржи до 70 отсто.
„Се работи на уште 30 предмети во кои се опфатени сите големи маркети. Инспекторите се постојано на терен, контроли спроведуваме континуирано и така ќе продолжиме,“ информираше тој на прес-конференција.
Сепак, неговата генерална оценка е дека мерките на Владата се почитуваат.
Од 24 февруари до 6. март се извршени 365 надзори во трговијата на мало и 64 во трговијата на големо со што се опфатени над илјада малопродажни и големопродажни места.
Притоа се констатирани вкупно 36 неправилности и се издадени прекршочни платни налози од 42 000 евра.
Фото: Унсплеш
Важно известување
Посети ја новата страница