Основното јавно обвинителство од Тетово води истрага против тројцата државни функционери, министерот за образование, Арбер Адеми, поранешниот заменик министер за внатрешни работи, Агим Нухиу и директорот на Државниот завод за индустриска сопственост, Сафет Емрули за кривично дело злоупотреба на службената положба и овластување по член 33 од Кривичниот законик, објави Факултети.
Информација за Факултети ја потврдила и основната јавна обвинителка од Тетово, Драгослава Поповска.
“Да, се води постапка против тројцата државни функционери за злоупотреба на службената положба и овластување. Предметот е во фаза на предистражна постапка“, вели Поповска.
Просветниот инспектор Ѓорѓи Илиевски поднесе пријава до Управата за финансиска полиција за тројцата функционери, за кои тврди дека добивале хонорари од Тетовскиот универзитет за настава додека работните места им биле во мирување.
ПОВРЗАНИ ВЕСТИ
Инспекторот Илиевски деградиран на пониско работно место
На интернет петиција за поддршка на просветниот инспектор Ѓорги Илиевски
