Во Македонија има дејности во кои просечната плата на вработените е за повеќе од два пати поголема отколку просекот на државно ниво, кој според најновите податоци на Државниот завод за статистика за ноември, минатата година изнесувал 25.787 денари.
На врвот на листата со највисоки просечни плати се вработените во дејноста компјутерско програмирање, консултантски и сродни дејности со исплатена просечна плата за ноември од 60.717 денари.
На второто место е воздухопловниот транспорт со просечна плата од 50.200 денари, а на третото место производството на основни фармацевтски производи и фармацевтски препарати со просечна плата од 46.201 денари.
Потоа на листата следуваат финансиско-услужните дејности (42.410 денари) и телекомуникациите (41.024 денари).
ПОВРЗАНИ ВЕСТИ
Сонуваат за просечна плата: Пет професии со најниски примања
Просечната плата во ноември изнесувала 25.787 денари