Основниот суд Скопје 1 му ја укинал мерката куќен притвор на поранешниот министер за транспорт и врски, Миле Јанакиески за случајот „Титаник„ на Специјалното јавно обвинителство (СЈО).
Укината му е и забраната да комуницира со останатите обвинети и со сведоците за овој случај.
Информацијата за укинување на притворот за „Титаник“ денеска на судењето за истиот предмет ја соопшти самиот Јанакиески.
Сепак, Јанакиески останува во куќен притвор, бидејќи ваква мерка од судот доби и за настаните во македонското Собрание од 27 април 2017 година.
Јанакиески за овој случај има забрана за кoмуникација со останатите осомничени и не смее да комуницира со поранешниот премиер и поранешен лидер на ВМРО-ДПМНЕ, Никола Груевски, како и со сопратијците Спиро Ристовски, Трајко Вељаноски и Никола Бошковски.
ПОВРЗАНИ ВЕСТИ
Отсуството на судијата Ставрев го одложи судењето за „Титаник“
Фото: Фејсбук/Јанакиески